Sulekh ohm ka

An effort to revive old memory of exposure to calligraphy by parent and grand parents using colourful inks and hand made pen of bamboo stick and a particular type of grass called "karera".

Inspired by http://calligraphyaday.blogspot.com/?m=1 my current guru of devnagri lipi calligraphy.

Calligraphy trials.

Astitwa

Dhalte sham ke suraj ki lalima,
Chandni raat me ufanti samudra ki seema|

Patte ke nokh par atki bund ki chamak,
Aasman me duj ke chand ki damak|

Chat par baithi goraiye ki chahak,
Barish ki pahle bund ki mahak|

Iet ke dher par baithe gilhari ka itrana,
Sheet ke baad mosam basant ka suhana|

In sabo ka hai sanghars ke saath nata purana,
Kyoki inhe hai apne chanik ASTITWA ko bachana|
 

Maa

Maa

mamtamai gao ko

anchal ki chao ko

hamare hone ko

ham me khone ko

hamare hosh ko

garam aagosh ko

maa kahte hai

jilane ki chah ko

dabi hui aah ko

mithe gusse ko

anjane kisse ko

adhkhuli palak ko

bhagwan ki jhalak ko

maa kahte hai

mithe madhur tan ko

bade bade arman ko

hamare dogune utkars

se chogune hote harsh ko

maa kahte hai